غزہ کے اسکول میں پناہ گزین جوڑے کی شادی

غزہ: اسرائیلی بمباری کے باعث گھر واپسی کی امید ترک کرکے رفح کے علاقے میں ایک اسکول میں پناہ لینے پر مجبور اہل خانہ نے وہیں شادی کرلی۔

عرب میڈیا کے مطابق اسرائیلی جارحیت اور انسانیت سوز مظالم نے غزہ میں ایک انسانی المیہ پیدا کر دیا ہے۔ لاکھوں لوگ اپنی جان بچانے کے لیے اپنا گھر بار، کاروبار اور کاروبار چھوڑ کر مہاجر کیمپوں میں رہنے پر مجبور ہیں۔

7 اکتوبر سے جاری وحشیانہ بمباری میں لاکھوں لوگوں کے گھر مکمل طور پر تباہ ہو چکے ہیں۔ ان مہاجر کیمپوں میں جہاں دل دہلا دینے والے مناظر دیکھنے کو مل رہے ہیں وہیں امید کی نئی کرنیں بھی جنم لے رہی ہیں۔

محمد اور یاسمین کی شادی رفح کے پناہ گزین کیمپ کے ایک اسکول میں خاندان کی جانب سے منعقدہ ایک سادہ تقریب میں ہوئی۔ مہمانوں نے اسکول کے بلیک بورڈ پر جوڑے کی نئی زندگی شروع کرنے کے پیغامات لکھے۔

جوڑے کے مطابق انہوں نے کبھی سوچا بھی نہیں تھا کہ ان حالات میں شادی ہوگی لیکن وہ خوش ہیں کہ وہ ایک ہو رہے ہیں۔ ہماری شادی یہاں اداس چہروں پر مسکراہٹ لے آئی۔