ٹورنٹو: کینیڈا کے ایک اسٹارٹ اپ نے الیکٹرک ہائی سپیڈ ٹرین کی تجویز پیش کی ہے جو ٹورنٹو اور مونٹریال کے درمیان 804 کلومیٹر کے سفر کو بہت آسان بنا دے گی۔
ٹورنٹو میں قائم سٹارٹ اپ ٹرانسپوڈ کے مطابق کمپنی کی ہائپر لوپ طرز کی ویکیوم ٹرین مسافروں کو 1000 کلومیٹر فی گھنٹہ کی رفتار سے سفر کرنے کی اجازت دے گی۔
یہ ‘فلکس جیٹ’ ٹرینیں ویکیوم ٹیوب کے ذریعے ہوا میں معلق ہوں گی اور پلازما سے چلائی جائیں گی۔ اس طرح ٹرین کو کمرشل طیارے کی رفتار سے چلایا جا سکتا ہے۔
کمپنی کا کہنا ہے کہ اس کے پاس 2035 سے پہلے اس منصوبے کو حقیقت بنانے کی ٹیکنالوجی موجود ہے۔
کمپنی پہلے ہی 18 بلین ڈالر کی لاگت سے ایڈمنٹن اور کیلگری کے درمیان 300 کلومیٹر لمبی لائن پر کام کر رہی ہے۔
ٹرانسپوڈ سسٹم کے موجد ریان جانزین کے مطابق اس منصوبے کو ہوائی جہاز کی طرح ڈیزائن کیا گیا ہے لیکن یہ ٹرین کی طرح چلتا ہے۔
بغیر پروں کے ہوائی جہاز کے طور پر ڈیزائن کیا گیا، فلکس جیٹ وہیکل کو تیز رفتاری سے ‘اڑنے’ کے لیے ڈیزائن کیا گیا ہے۔
مزید پڑیئں: