باتیں بنانا چھوڑیں اور ووٹ ڈال کر اپنا حق استعمال کریں، بشریٰ انصاری

پاکستان شوبز انڈسٹری کی سینئر اداکارہ بشریٰ انصاری نے عوام سے ووٹ ڈالنے کی اپیل کرتے ہوئے کہا کہ باتیں بنانے سے کچھ حاصل نہیں ہوگا، اس لیے 8 فروری کو گھروں سے نکلیں اور اپنا حق استعمال کریں۔

بشریٰ انصاری  نے کہا کہ ’پورے ملک میں ہلچل ہے، انتخابات قریب ہیں اور ہم سب چاہتے ہیں کہ پاکستان کا مستقبل روشن ہو اور پاکستان کو اگلے پانچ سال دیں۔

ایک ایسی پارٹی ہونی چاہیے جو ہمارے ملک کو ترقی کی راہ پر لے جائے۔

اداکارہ نے کہا کہ جس امیدوار کو بھی آپ اس کے وعدوں پر بھروسہ کرتے ہیں اسے ووٹ دیں، 8 فروری کو کھڑے ہو کر اپنا حق استعمال کریں، بات کرنا چھوڑ دیں کیونکہ بات کرنے سے کچھ نہیں ہوگا۔