بلغاریہ میں پہلی بار ارورہ بوریلیس کا خوبصورت نظارہ دیکھا گیا ہے جسے عرف عام میں ناردرن لائٹس کہا جاتا ہے۔ اتوار کو نظر آنے والے اس منظر کی تصاویر اور ویڈیوز وائرل ہو رہی ہیں۔ آپ کو بتاتے چلیں کہ اتوار کی شام بلغاریہ کے ایک بڑے حصے میں پہلی بار نظر آنے والے چمکدار سرخ ارورہ نے سوشل میڈیا پر دھوم مچا دی ہے۔
موصولہ اطلاعات کے مطابق یہ چمکتا ہوا سرخ ارورہ پہلے بلغاریہ کے شمال مشرقی حصے میں نمودار ہوا اور پھر جزیرہ نما بلقان کے تقریباً تمام کونوں میں پھیل گیا۔ سوشل میڈیا پلیٹ فارمز پر کچھ لوگوں نے بلغاریہ میں خون سے سرخ آسمان کی تصاویر کو ‘Apocalyptic’ اور ‘خوفناک’ قرار دیا ہے۔ دوسروں نے اسے ایک دلچسپ واقعہ قرار دیا ہے۔