بٹ خیلہ (مدثرطاہریوسفزئی نمائندہ خصوصی)ایم سی ٹی سی عدالت ملاکنڈ نے منشیات الزام میں گرفتار خاتون ملزمہ کو پانچ سال قید او پانچ لاکھ روپے جرمانہ کی سزا کا فیصلہ سنا دیا،
عدم ادائیگی جرمانہ کی صورت میں ملزمہ کو مزید چھ ماہ قید کی سزا بھگتنا پڑی گی۔
تفصیلات کے مطابق لیوی پوسٹ پل چوکی کی پوسٹ کمانڈر سلطان محمد نے مخبر کی اطلاع پرخاتون کانسٹیبل اور دیگر نفری سمیت 15 جولائی 2023 کو پل چوکی میں گاڑی کی انتظار میں بیٹھی خاتون مسماۃ گلشن زوجہ بادام شیر ساکن بڈہ بیر کی قبضہ سے 4760 گرام چرس برامد کی اور تفتیش مکمل کرکے کیس ماڈل کریمنل ٹرائل کورٹ / ایڈیشنل سیشن جج رشید اللہ کنڈی کی عدالت میں پیش کیا،
جہاں وکلاء کے دلائل مکمل ہونے او رجرم ثابت ہونے پر عدالت نے ملزمہ کو سزا کا فیصلہ سنا دیا، عدالت نے ملزمہ کو 382-B کا فائدہ دیا ہے۔