بٹ خیلہ(مدثرطاہریوسفزئی نمائندہ خصوصی)ڈگری کالج بٹ خیلہ کے پرنسپل ڈاکٹر زمین گل نے کہا ہے کہ جو تعلیم اور ڈگری انسان کی اخلاق اور رویہ میں مثبت تبدیلی نہیں لاسکتی اس ڈگری اور بازار میں فروخت ہونے والی جعلی ڈگری میں کوئی فرق نہیں، ترقی کے منازل طے کرنے کے لیے اعلیٰ تعلیم کے ساتھ اعلیٰ اخلاق پر فائز ہونا بھی ضروری ہے، طلبہ و طالبات کو مقابلے کے امتحانات کے لیے تیار کرنا عظیم خدمت ہے ان خیالات کا اظہار انہوں نے بٹ خیلہ کوچنگ اکیڈمی کے افتتاحی تقریب سے خطاب کرتے ہوئے کیا،اس سے قبل انہوں نے پروفیسر ڈاکٹر اقبال شاکر، ڈاکٹر انور خان، اکیڈمی ڈائریکٹر بلال خان اور گل محمد کے ہمراہ پیتہ کاٹ کر افتتاح کیا،جبکہ اکیڈمی میں نمایاں پوزیشن حاصل کرنے والے طلبہ میں تعریفی شیلڈز تقسیم کی ڈائریکٹر بلال خان نے اکیڈمی میں پڑھائے جانے والے سبجیکٹس اور اس کے اغراض و مقاصد سے شرکاء کو اگاہ کیا، ڈاکٹر زمین گل نے کہا کہ تعلیمی بورڈز کی سطح پر مارکنگ کے بجائے گریڈنگ سسٹم کی بدولت طلبہ و طالبات کو نمبروں کے پیچھے بھاگنے سے نجات ملے گی، انہوں نے بٹ خیلہ میں اکیڈمی کی قیام کوعلاقہ کے طلبہ و طالبات کے لیے خوش ائند اقدام قرار دیا، او راکیڈمی انتظامیہ کو اپنے طرف سے پرممکن تعاون کایقین دلایا۔