سوات(بیورورپورٹ) سوات میں منشیات سمگلروں کے حملے میں شہید ہونے والے انسپکٹر رحیم خان کا جنازہ جاویداقبال شہید پولیس لائن کبل میں پورے پولیس اعزاز کے ساتھ ادا کیا گیا۔نماز ِجنازہ میں ریجنل پولیس آفیسر ملاکنڈریجن عرفان اللہ، ڈی پی او سوات ناصر محمود، ایم این اے ڈاکٹر امجدعلی، ایڈیشنل ایس پی سوات غلام صادق خان، ایس پی ہیڈ کوارٹر عطاء اللہ شمس اور سمیت دیگر پولیس آفیسران اور جوانوں نے شرکت کی۔پولیس کی چاق و چوبند دستے نے شہید کے جسد خاکی کو سلامی دی ۔ پولیس حکام نے جسد خاکی پر پھولوں کے گلدستے رکھیں اور بلند درجات کے لیے دعائے مغفرت کی گئی۔نماز جنازہ کے بعد شہید کے جسد خاکی کوآبائی گاؤں مانپیتئی (خوازہ خیلہ تحصیل ) روانہ کیا گیا۔جہاں پر ان کو سرکاری اعزاز کے ساتھ سپردخاک کردیا گیا ۔