ٹانک
گومل زام کمانڈ ایریا زمینداروں کا رنوال کے مقام پر وران کینال پر غیر قانونی طور پر نیا گیٹ لگانے اور پانی کی غیر منصفانہ تقسیم سمیت دیگر مسائل کے حوالے سے اہم اجلاس منعقد ہوا جسمیں ایم پی اے عثمان خان بیٹنی ملک محمد رمضان شوری ملک امیر کوٹ اللہ داد حکیم سونا خان ملک اختر بھمب ملک عظمت شوری ملک سکندر اعظم قمر جوئیہ عباس بلوچ ڈاکٹر شعیب ملک فرید سمیت دیگر مشران اور زمینداروں نے کثیر تعداد میں شرکت کی اس موقع پر زمیندار کمیٹی نے مطالبہ کیا کہ گومل زام کمانڈ ایریا کی تمام انہار کی بھل صفائی گندم کی فصل کو پانی دینے کے بعد کی جائے کیونکہ پہلے بھی مین گیٹ کی خرابی کے باعث پانی بروقت نہ پہنچ سکا زمینداروں نے کہا کہ ایریگیشن حکام کا رویہ ان کے ساتھ نامناسب ہے اور صفائی کے نام پر کروڑوں روپے کا سالانہ فنڈ کام کی بجائے خرد برد کی نذر کر دیا جاتا ہے انہوں نے ایم پی اے عثمان خان بیٹنی سے مطالبہ کیا کہ گومل زام کمانڈ ایریا کے زمینداروں کی ایریگیشن حکام سے جلد از جلد میٹنگ منعقد کرکے تمام مسائل فوری حل کئے جائیں بصورت دیگر ایک بار پھر زمینیں غیر آباد رہ جائیں گی اس موقع پر ایم پی اے عثمان خان بیٹنی نے اپنے بھرپور تعاون اور جلد از جلد ایکسن ایریگیشن گومل زام کمانڈ ایریا سے میٹنگ کرانے کی یقین دہانی کرائی۔