امریکی میڈیا نے دعویٰ کیا ہے کہ اگر سابق امریکی صدر ڈونلڈ ٹرمپ دوبارہ صدر بنے تو غیر قانونی تارکین وطن کے خلاف تاریخی مہم چلائی جائے گی۔
امریکی میڈیا نے اپنی رپورٹ میں کہا ہے کہ ڈونلڈ ٹرمپ صدر بنے تو غیر قانونی تارکین وطن کو کیمپوں میں رکھا جائے گا اور ملک بدر کر دیا جائے گا۔
رپورٹ کے مطابق اگر ڈونلڈ ٹرمپ دوبارہ صدر بنے تو ہر سال لاکھوں افراد کو ملک بدر کیا جائے گا اور جو لوگ کئی دہائیوں سے امریکا میں غیر قانونی طور پر مقیم ہیں انہیں بھی ملک بدر کر دیا جائے گا۔
امریکی میڈیا کے مطابق سابق صدر ڈونلڈ ٹرمپ بعض مسلم ممالک کے شہریوں پر دوبارہ امریکا آنے پر پابندی لگانا چاہتے ہیں۔