لاہور; کم عمر اور بغیر لائسنس گاڑیوں، موٹر سائیکل سواروں کو گرفتار کرنے کا حکم

ہائی کورٹ نے شہر بھر میں کم عمر اور بغیر لائسنس گاڑی یا موٹر سائیکل چلانے والوں کی فوری گرفتاری کا حکم دے دیا۔

عدالت نے ریمارکس دیئے کہ سڑک پر 10 لاکھ گاڑیاں ہوں تو 2 لاکھ لوگوں کو لائسنس دیں گے۔ سی ٹی او لاہور نے بتایا کہ سڑک پر 7.3 لاکھ گاڑیاں چل رہی ہیں، لیکن صرف 1.3 لاکھ کے پاس لائسنس ہیں۔ عدالت نے حیرت کا اظہار کرتے ہوئے کہا کہ یہ بہت بڑا فرق ہے۔ ٹریفک پولیس اس حوالے سے کیا کر رہی ہے؟ اس موقع پر سی ٹی او لاہور نے کہا کہ ہم نے اپنے لائسنس سنٹرز کی تعداد 6 سے بڑھا کر 30 کر دی ہے۔