پاکستان کی فضائی حدود استعمال کرنے والی پروازوں میں ریکارڈ کمی

اسلام آباد: پاکستان کی فضائی حدود استعمال کرنے والی پروازوں کی تعداد میں 50 فیصد کمی واقع ہوئی ہے۔

سول ایوی ایشن ذرائع کے مطابق جمعرات کو پاکستانی فضائی حدود استعمال کرنے والی پروازوں کی تعداد 450 تک پہنچ گئی۔

عام دنوں میں روزانہ 700 سے 750 پروازیں پاکستانی فضائی حدود سے گزرتی ہیں۔

ذرائع کا مزید کہنا ہے کہ پاکستانی فضائی حدود استعمال کرنے والی ایئرلائنز سول ایوی ایشن کو ڈالر میں ادائیگی کرتی ہیں۔

پاکستانی سرحد کے اندر اوور فلائنگ پروازوں میں کمی سے محصولات پر منفی اثر پڑے گا۔

ایوی ایشن ذرائع کا مزید کہنا ہے کہ تمام پروازوں کی نگرانی ایس او پی کے تحت کی جاتی ہے۔

پاکستان میں کسی بھی سمت میں ہوائی ٹریفک پر کوئی پابندی نہیں ہے۔