سائیکلنگ اور جاگنگ سے مردوں میں پروسٹیٹ کینسر کا خطرہ کم ہوسکتا ہے، تحقیق

ایک حالیہ تحقیق میں بتایا گیا ہے کہ سائیکلنگ اور جاگنگ مردوں میں پروسٹیٹ کینسر کا خطرہ کم کر سکتی ہے۔

سویڈش سکول آف اسپورٹ اینڈ ہیلتھ سائنسز سے وابستہ اور اس تحقیق میں شامل سائنسدان ڈاکٹر بولم کا کہنا ہے کہ پروسٹیٹ کینسر سے بچنے کے لیے ضروری ہے کہ مردوں کے لیے اپنے قلبی نظام کو بہتر بنانے کے لیے نسبتاً سخت ورزش کی جائے اور اس سلسلے میں سائیکل چلانا ضروری ہے۔ دوڑنا، جاگنگ اور تیراکی بہت مفید ہے۔

سائنسی جریدے برٹش جرنل آف اسپورٹس میڈیسن کی حالیہ اشاعت میں شائع ہونے والی اس تحقیق میں 57000 سے زائد مردوں کے ڈیٹا کا تجزیہ کیا گیا۔

اس عرصے کے دوران، ان کا سالانہ قلبی فٹنس ٹیسٹ، جسمانی سرگرمی کی سطح، بی ایم آئی، طرز زندگی اور عمومی صحت کا جائزہ لیا گیا۔

سات سال کی مدت کے دوران، 57,000 مطالعہ کے شرکاء میں سے، 592 مردوں میں پروسٹیٹ کینسر کی تشخیص ہوئی، جن میں سے 46 کی موت ہو گئی۔

تحقیق کے دوران جن مردوں نے اپنی فٹنس میں 3 فیصد بہتری لائی ان میں پروسٹیٹ کینسر ہونے کا خطرہ 35 فیصد کم تھا۔

محققین کے مطابق پروسٹیٹ کینسر کے خطرے سے بچنے کے لیے ضروری ہے کہ مرد اپنے دل اور دوران خون کے نظام کو صحت مند رکھیں اور باقاعدہ ورزش کریں۔