قومی کرکٹ ٹیم کے سابق کپتان شاہد آفریدی نے فاسٹ بولر حارث رؤف کی خراب فارم پر تنقید کی ہے۔
مقامی ٹی وی چینل سے بات کرتے ہوئے سابق کپتان شاہد آفریدی نے کہا کہ حارث رؤف فارم میں نہیں ہیں، انہیں رہنمائی کی ضرورت ہے، کرکٹر کو مکمل طور پر سائیڈ لائن کرنے کے بجائے ان کی ماضی کی پرفارمنس یاد دلائیں تاکہ وہ واپسی کر سکیں۔
انہوں نے کہا کہ حارث نے پاکستان کے لیے کچھ بہترین پرفارمنس دی ہے اور جب وہ طویل فارمیٹ کی کرکٹ کھیلیں گے تو اس سے بھی بہتر کارکردگی دکھائیں گے۔ اگر وہ ٹیسٹ کرکٹ کھیلتا ہے تو اس کی باؤلنگ میں خود بخود بہتری آئے گی لیکن اس کے لیے اسے سپورٹ کی ضرورت ہوگی۔