اسلام آباد ہائی کورٹ نے نگراں حکومت کو ایف بی آر کی تنظیم نو سے روکتے ہوئے ری سٹرکچرنگ کمیٹی کا نوٹیفکیشن معطل کر دیا۔
ایف بی آر کے عہدیدار نے نگراں حکومت کے اقدام کو اسلام آباد ہائی کورٹ میں چیلنج کرتے ہوئے موقف اختیار کیا تھا کہ یہ کام نگراں حکومت کا مینڈیٹ نہیں، اس لیے نگراں حکومت کو الیکشن ایکٹ 2017 کے تحت ایف بی آر کی تشکیل نو سے روکا جائے۔ حکومت کو روکا، کمیٹی بنائی۔
واضح رہے کہ نگراں حکومت نے ایف بی آر کی تنظیم نو پر عمل درآمد کے لیے عملدرآمد کمیٹی تشکیل دیتے ہوئے 72 گھنٹے میں پالیسی تیار کرنے کی ہدایت کی ہے۔
ریونیو ڈویژن کی جانب سے جاری نوٹیفکیشن کے مطابق 8 رکنی عملدرآمد اور اثاثہ جات کی تقسیم کمیٹی کی سربراہی قائم مقام وزیر خزانہ ڈاکٹر شمشاد اختر کریں گے جب کہ ساجد قاضی کو کمیٹی کا سیکرٹری مقرر کیا گیا ہے۔