پشاور: پی ٹی آئی رہنما مراد سعید نے بھی عام انتخابات سے دستبرداری اختیار کرتے ہوئے پارٹی کو ٹکٹ واپس کردیا۔
پشاور ہائی کورٹ میں پی ٹی آئی رہنما مراد سعید کے کاغذات نامزدگی مسترد کیے جانے کے خلاف درخواست کی سماعت ہوئی۔
درخواست گزار کے وکیل نے کہا کہ مراد سعید نے پارٹی کو ٹکٹ واپس کر دیا ہے۔
مختصر فیصلہ جاری کرتے ہوئے ہائیکورٹ کے لارجر بینچ نے کہا کہ اپیلٹ ٹربیونل نے درخواست گزار کی اپیل تکنیکی بنیادوں پر مسترد کر دی ہے،
ٹربیونل اس وقت غیر فعال ہے، اس لیے کیس واپس بھیجنے پر بھی کوئی کارروائی نہیں کی جا سکتی۔
پشاور ہائی کورٹ نے کاغذات نامزدگی مسترد کیے جانے کے خلاف مراد سعید کی درخواست بغیر سماعت کے نمٹا دی۔