برسلز پریس کلب میں پاکستان سمیت او آئی سی ممالک کے 20 سفیروں نے فلسطینیوں پر اسرائیلی جارحیت کے خلاف اجتماعی پریس کانفرنس کی اور اسرائیل کو جنگی جرائم کا مرتکب قرار دینے کا مطالبہ کیا۔
سفیروں نے کہا کہ غزہ کے عوام کو اسرائیلی جبر سے نجات دلائی جائے اور بین الاقوامی تحفظ دیا جائے۔
دوسری جانب امریکی صدر جو بائیڈن نے کہا ہے کہ اسرائیل کو غزہ کے الشفا اسپتال کی سیکیورٹی کو ہر صورت یقینی بنانا ہوگا، وہ اس معاملے پر اسرائیلی فوج سے رابطے میں ہیں۔
عالمی ادارہ صحت کا کہنا ہے کہ لاشوں کے ڈھیر سے الشفاء اسپتال قبرستان بنتا جارہا ہے، اسپتال میں 600 افراد موجود ہیں۔
ترجمان ڈاکٹر محمد ابو سلمیہ کا کہنا تھا کہ اسرائیلی حکام نے سڑتی ہوئی لاشوں کو اسپتال سے اٹھا کر دفن کرنے کی اجازت نہیں دی ہے جس کی وجہ سے لاشیں خراب ہو رہی ہیں۔