لبنان پر اسرائیل کے فضائی حملے میں حزب اللہ کے سینیئر کمانڈر جاں بحق

بیروت: لبنان میں اسرائیلی کار پر حملے میں حزب اللہ کے سینئر کمانڈر وسام تاویل اپنے ایک ساتھی سمیت مارے گئے۔

عالمی خبر رساں ادارے کے مطابق اسرائیلی فوج نے لبنان میں ایک آپریشن میں حزب اللہ کے ایک اہم کمانڈر کی ہلاکت کا دعویٰ کرتے ہوئے کہا ہے کہ اس نے انٹیلی جنس معلومات کی بنیاد پر کمانڈر کی گاڑی کو نشانہ بنایا۔

حزب اللہ نے اسرائیلی فضائی حملے میں وسام تاویل کی ہلاکت کی تصدیق کرتے ہوئے کہا کہ سینئر کمانڈر وسام وشواس رضوان اس فورس کے نائب سربراہ تھے۔

اسرائیلی فوج نے وسام تاویل کی گاڑی کو اس وقت نشانہ بنایا جب وہ اپنے گاؤں جا رہے تھے۔

گاڑی میں ان کا ایک ساتھی بھی موجود تھا۔ گاڑی میں آگ لگ گئی اور دونوں موقع پر ہی جاں بحق ہو گئے۔

یاد رہے کہ اسرائیل نے 7 اکتوبر کو حماس کے حملے کا ذمہ دار حزب اللہ کو ٹھہرایا تھا اور کہا تھا کہ لبنان میں جواب دیا جائے گا اور کچھ کارروائی بھی کی جائے گی تاہم ایک ماہ تک خاموشی رہی۔

تاہم اس تازہ کارروائی کے بعد اسرائیل اور حزب اللہ کے درمیان نئے سرے سے تصادم کا امکان ہے۔