دیر ویلفئیر آرگنائزیشن جیسے فلاحی ادارے معاشرے کیلئے نعمت کا درجہ رکھتے ہیں، حاجی زبیر علی

حکومت اور مخیر شہری ایسی رفاعی تنظیموں کی سرپرستی جاری رکھیں گے، مئیر پشاور
میئر پشاور کا آرگنائزیشن کیلئے ایک لاکھ روپے عطیہ کا اعلان

پشاور () مئیر پشاور حاجی زبیر علی نے مہنگائی اور بیروزگاری کے موجودہ دور میں اہل پشاور کی فلاح و بہبود اور دکھی انسانیت کی بے لوث خدمت پر دیر ویلفئیر آرگنائزیشن کے کردار کو سراہتے ہوئے کہا ہے کہ ایسے رفاعی تنظیمیں دراصل معاشرے کیلئے نعمت اور تحفہ کا درجہ رکھتی ہیں جن کی حکومتی اور مخیر شہریوں کی سطح پر جتنی حوصلہ افزائی اور سرپرستی کی جائے اتنی ہی کم ہے۔ وہ اعجاز آباد گلبہار میں پشاور کی فلاحی تنظیم دیر ویلفئیر آرگنائزیشن کی نومنتخب کابینہ کی رسم حلف برداری سے بحیثیت مہمان خصوصی خطاب کر رہے تھے۔ تقریب سے مہمانان اعزاز ڈاکٹر محمد الیاس سید، صدر دیر آفیسرز ویلفئیر ایسوسی ایشن و چیف ایگزیکٹیو پیراپلیجک سنٹر حیات آباد پشاور، انجینئر قاضی محمد نعیم سابق سیکرٹری آبپاشی و توانائی و چیف ایگزیکٹیو پیڈو اور شیخ زید اسلامک سنٹر پشاور یونیورسٹی پشاور کے پروفیسر صاحب اسلام کے علاہ دیر ویلفئیر آرگنائزیشن کے سرپرست حاجی فاتح زر گل، چیئرمین مجلس عاملہ حاجی محمد سعید، صدر حاجی سلطان یوسف عرف دیر لالاجی، سینئر نائب صدر غلام حسین غازی، نائب صدور حاجی راحت اللہ و شمس الرحمن، جنرل سیکرٹری ماسٹر ظاہر شاہ، سپورٹس سیکرٹری گل بادشاہ، پریس سیکرٹری پروفیسر نورالہادی اور صدر یوتھ ونگ محمد نثار خان نے بھی خطاب کیا اور تنظیم کی گزشتہ پانچ عشروں پر محیط فلاحی سرگرمیوں پر روشنی ڈالی۔ مئیر پشاور حاجی زبیر علی نے اس بات پر اطمینان کا اظہار کیا کہ اہلیان دیر متحد ہو کر پشاور کے نادار طلبہ، بیواں اور یتیموں کی بے لوث خدمت میں مصروف عمل رہتے ہیں اور غربا میں سالانہ زکو و خیرات کی تقسیم کے علاہ مریضوں کیلئے ڈسپنسری، لڑکیوں کا دستکاری مرکز اور فری ٹیوشن سنٹر سمیت مختلف رفاعی کام سرانجام دے رہے ہیں حاجی زبیر علی نے کہا کہ انہیں فخر ہے کہ وہ اور انکے آبائواجداد کا تعلق بھی ضلع دیر سے ہے اور ہم سب مل کر اہل پشاور کی شبانہ روز خدمت کیلئے کوشاں ہیں۔ مئیر پشاور نے آرگنائزیشن کی فلاحی سرگرمیوں کیلئے اپنی جیب خاص سے ایک لاکھ روپے عطیہ کا اعلان بھی کیا اور یقین دلایا کہ وہ دکھی انسانیت کی خدمت کے تمام مراحل میں انہیں اپنے شانہ بشانہ موجود پائیں گے۔ قبل ازیں آرگنائزیشن نے ایک متفقہ قرارداد کے ذریعے ملاکنڈ ڈویژن میں ٹیکسوں کے نفاذ کا فیصلہ واپس لینے کا مطالبہ کیا اور سرسید چوک تک جلوس نکالا تاہم مئیر پشاور نے اس سے عدم اتفاق کرتے ہوئے انہیں مشورہ دیا کہ ہمیں حکومت سے مطالبہ کرنا چاہئے کہ ہم سے ٹیکس ضرور لو مگر مہذب معاشروں اور حکومتوں کی طرح ہمیں سہولیات کی گارنٹی بھی دو جس کا تقریب کے شرکا نے تالیوں کی گونج میں خیرمقدم کیا۔