تفصیلات کے مطابق جماعت اسلامی بونیر نے نان کسٹم پیڈ گاڑیوں پر ٹیکس کیخلاف ممکنہ حکومتی کاروائی کیخلاف مزاحمت کا اعلان کردیا۔
ڈسٹرکٹ پریس کلب ڈگر میں پریس کانفرنس سے خطاب کرتے ہوئے جماعت اسلامی کے ضلعی امیر و نامزد امید وار صوبائی اسمبلی محمد حلیم باچا ،سابق اسپیکر و نامزد امیدوار قومی اسمبلی بخت جہان خان نامزد امیدوار انجینئر ناصر علی اور ضلعی جنرل سیکرٹری اکبر خان ایڈوکیٹ نے کہا کہ جماعت اسلامی بونیر ملاکنڈ ڈویژن میں این سی پی گاڑیوں کی مشروط رجسٹریشن کو یکسر مسترد کرتی ہے کیونکہ ملاکنڈ ڈویژن کو ایک جدا گانہ اسپیشل حیثیت حاصل ہے لہذا حکومت ٹیکسیشن کے فیصلے پر نظر ثانی کریں۔ٹکیسز کی بجائے یہاں پر روزگار تعلیم اور بنیادی ضروریہ زندگی فراہم کریں ۔این سی پی گاڑیوں سے یہاں پر لوگوں کی روٹی وابستہ ہے اور حکومت کو یہ فیصلہ مہنگا پڑے گا جماعت اسلامی عوامی حقوق اور آواز کو ہر ڈگر پر اٹھانے کیلئے ہمہ وقت تیار ہے ہمارے سڑکوں گلی کوچوں اور تعلیمی اداروں کا برا حال ہے عوام زندگی کی بنیادی سہولیات سے محروم ہے جبکہ حکومت یہاں کے عوام کے منہ سے نوالہ چھیننے جارہے ہیں۔جماعت اسلامی نے اس حوالے سے مشاورت کی ہے تمام سٹیک ہولڈرز کو ساتھ لیکر پہیہ جام اور شٹر ڈاؤن ہڑتال سے دریغ نہیں کریں گے اور ہم کسی بھی صورت میں ٹیکس کے نفاذ کو تیار نہیں۔