بی پی ایل: بنگلہ دیش میں بابراعظم سے آٹوگراف لینے والی لڑکی مشہور ہوگئی

میرپور: بنگلہ دیش پریمیئر لیگ 2024 کے دوران پاکستانی بلے باز بابر اعظم سے آٹو گراف لینے والی لڑکی سوشل میڈیا پر مشہور ہوگئی۔

سوشل میڈیا پر ایک ویڈیو وائرل ہوئی ہے جس میں دیکھا جا سکتا ہے کہ قومی ٹیم کے بلے باز بابر اعظم بس میں سوار ہونے لگے تو مداحوں میں سے ایک لڑکی نے آٹوگراف طلب کیا، جس پر بابر اعظم نے اس لڑکی کو بس کے اندر بلا لیا۔

مداحوں کے درمیان کھڑی لڑکی سیکیورٹی سے اجازت لے کر بس میں داخل ہوتی ہے جہاں بابر اعظم لڑکی سے ملے اور اسے آٹو گراف دیتے ہیں جس سے وہ بہت خوش ہوتی ہے۔

بس سے باہر آنے کے بعد میڈیا سے گفتگو کرتے ہوئے لڑکی کافی خوش نظر آرہی ہے اور بابر اعظم کے آٹو گراف کو اپنی زندگی کا قیمتی لمحہ قرار دے رہی ہے۔

آپ کو بتاتے چلیں کہ بابر اعظم بی پی ایل میں رنگپور رائیڈرز کی نمائندگی کر رہے ہیں۔ آخری میچ میں بابر اعظم نے 56 رنز کی اننگز کھیل کر ٹیم کو فتح سے ہمکنار کیا۔