سوات(بیورورپورٹ)ضلع سوات سے تعلق رکھنے والی سماجی کارکن ہما شاکر کو ایک برطانوی تنظیم کی جانب سے خواتین کو تعلیم اور انہیں بااختیار بنانے کی کوششوں کے لئے "ویمن چینجنگ دی ورلڈ ایوارڈ” کے لیے نامزد کردیاگیا۔ ہما شاکرکو خواتین کی تعلیم کے فروغ کے ساتھ ساتھ خواتین کو بااختیار بنانے کے لئے کی جانے والی خدمات کے نیتجے میں سال 2024 کے عالمی ایوارڈز کے لئے نامزد کیا گیا ہے۔ یہ ایوارڈز، سارہ، ڈچس آف یارک اور ڈاکٹر ٹیرائی ٹرینٹ کی طرف سے پیش کئے جاتے ہیں ۔ اس کا مقصد پائیداری سمیت مختلف شعبوں میں نمایاں کامیابی حاصل کرنے والی خواتین کی خدمات کو تسلیم کرنا ہے۔ انسانی حقوق، قیادت، وکالت، ٹیکنالوجی، مصنوعات کی ترقی، تعلیم، صحت اور اختراع۔ اپنے جدید تدریسی طریقوں اور کمیونٹی کی مصروفیت کے لیےاقدامات کرنے والی ہما شاکر نے 600سے زائد اساتذہ کو تربیت بھی دی ہے ۔ اسی طرح انہوں نے خواتین کو بااختیار بنانے اور اپنے دفاع کے لیے پروگراموں کو فعال طور پر فروغ دیا ہے۔ "بالائی سوات میں لڑکیوں کی تعلیم پر موسم سرما کی نقل مکانی کے اثرات”کے حوالے سے ہما شاکر کی تحقیق کو بھی عالمی سطح پر سراہا گیا ہے ۔ ۔ یہ ایوارڈ مئی 2024 کو لندن یو کے میں دیا جائے گا۔