پاکستان کرکٹ ٹیم کے سابق کپتان شاہد آفریدی نے کہا کہ دورہ آسٹریلیا پر بابر اعظم کو کپتان بنایا جائے۔
شاہد آفریدی نے میڈیا سے گفتگو کرتے ہوئے کہا کہ ورلڈ کپ میں پاکستانی ٹیم سے بہت سی توقعات وابستہ ہیں۔ ہمارے پاس اچھے کھلاڑی اور حالات تھے۔ پاکستان اپنی صلاحیت کے مطابق کارکردگی نہیں دکھا سکا۔
شاہد آفریدی کا مزید کہنا تھا کہ ورلڈ کپ کے بعد بھی ماحول وہی ہے۔ بڑے ایونٹس میں دباؤ کا سامنا کرنا پڑتا ہے۔ بابر اعظم کو دورہ آسٹریلیا کی کپتانی کرنی چاہیے۔ یہ دورہ پاکستان کے لیے اہم ہوگا۔ ورلڈ کپ میں اچھا کھیلنے والی ٹیمیں سرفہرست ہیں۔